ليه مننا ضاع .... الوفا
في دنيا مافيهاش وفا..
في دنيا ما فيهاش صفا
غير الخيانه والجفا..!!
فين العطا فين الحنان؟
فين المحبه فين الأمان..؟
للاسف اصله أختفى..!
ليه الخيانه في النفوس...؟
ليه القوي دايماً يدوس ..؟
وليه الفقر وجهه عبووس!!
وما أعظمه اللي خفى
ليه الكبير
مش بياخذ بإيد الصغير؟
وليه الصغير
يبقى على حاله صغير؟
وليه الظلم بقى كثير...؟
وليه البرد ما فيهوش دفا.؟
عشان كده قل الوفا
ليه الحسود فيه الحسد
وكأن ما عنده ابد
وهو ماله يكفي بلد
ده مرض ما له شفا ..!
ليه عيونهم مليانة جفا ...؟
ليه المصالح في الصديق
وليه الصدق مالوش رفيق
حتى الطريق دايما يضيق
وليه الوفا فينا أنطفى ..؟
ليه الكلام ليه الجروح ..؟
بنجرح بعضنا في وضوح
وتنهدم فينا الصروح
ونِدِّعي انه أختفى!
ليه السعاده بينا أختفت ..؟
وليه الشموع فينا أنطفت .؟.
وليه الحبيبة ما وفت .؟
والجرح بالجرح إحتفى !
ليه الثمن
كل شئْ صاير بالثمن
حتى الزمن ..
ياخذ ثمن .. (عمرك ثمن) !
ياخذ ولا عمره أكتفى ..!
للأسف دي الحقيقة
كل واحد في طريقه
ويطلع على أكتافه رفيقه
وتختفي كلمة وفاء !
وبقينا دايماً ضايعين !
في اليتامى طامعين
ونقول يارب يامعين
وللايادي رافعين !
إقبل دعانا في الخفا ..
عاوز تقولي بينا وفا ..؟؟؟؟
ونموت وإحنا بلا عمل !
ونقول ليه ..؟؟؟؟
ايه اللي حصل !
اللي حصل ....؟؟؟ مات الأمل
وياللاسف مااااات الوفاء !!!!!!
ليست هناك تعليقات:
إرسال تعليق